今次去到黃埔一間新開嘅餐廳，佢地嘅主打係和牛燒肉lunch咁去食仲好抵,和牛 lunch set都係二百幾至三百幾蚊，呢個價錢嚟講食到日本嘅和牛真係幾不錯👍🏻 環境都相當寬敞
黑毛和牛大判燒盛合 $368
（前菜、沙律🥗、海帶湯、白飯及甜品）
首先值得一讚餐廳服務好好，和牛會比你選擇自己燒定店員幫你燒，嚟到係日本嘅店員幫我地燒，雖然發生左小小嘅意外塊燒板過熱塊和牛燒燶左，店員十分認真主動要求換過塊，完全睇得出日本人對食物執着果份認真。
和牛油脂分布好靚，肉質細嫩而不失口感，和牛再沾一沾蛋汁食，滋味無比入口即化。
牛嘅其他部位都好好食，套餐仲配上牛小排肉及牛板腱肉，肉質都非常優質，唔得沾醬都足以夠味。
整體來講，無論食物質素或服務都好好，難怪平日lunch都爆滿！大家經過都可以去試吓！
.
.
.
YAKINIKU KAKURA (紅磡)
紅磡黃埔天地聚寶坊(第11期)地下G1及G3號舖
Yakiniku Kakura HK
Search